Back

ⓘ Ayip Rosidi téh saurang budayawan sakaligus sastrawan kahot. Anjeunna nyipta karya sastra dina basa Sunda jeung basa Indonésia, sarta loba ngawanohkeun sastra S ..



Ayip Rosidi
                                     

ⓘ Ayip Rosidi

Ayip Rosidi) téh saurang budayawan sakaligus sastrawan kahot. Anjeunna nyipta karya sastra dina basa Sunda jeung basa Indonésia, sarta loba ngawanohkeun sastra Sunda jeung Indonésia ka mancanagara.

Ayip aktif nulis, boh dina basa Indonésia atawa dina basa Sunda ti rumaja kénéh, umur 15 taun geus jadi Pamingpin Rumpaka Majalah Suluh Pelajar 1953-1955, sarta satuluyna ngaluluguan sababaraha lembaga sastra, seni, pers, jeung budaya. Anjeunna ngadegkeun Yayasan Pusat Studi Sunda 2003 nu ngulik kabudayaan Sunda sarta Yayasan Kabudayaan Rancagé nu ngabobotohan tumuwuhna sastra lokal. Kungsi ngajar basa jeung kabudayaan Indonésia di Osaka Gaikokugo Daigaku 1981-2003, sagigireun ngajar ogé di Kyoto Sangyo Daigaku 1982-1996 jeung Tenri Daigaku 1982-1995, Jepang. Naratas dilembagakeunana Hadiah Sastra Rancagé ti taun 1989, sarta mokalan lumangsungna Konferénsi Internasional Budaya Sunda KIBS 2001 di Bandung. Buku-buku karyana geus leuwih ti saratus judul, mangrupa roman, kumpulan sajak, kumpulan carita pondok, mémoar, jeung biografi.

                                     

1. Atikan

Ayip Rosidi mimiti ngalakonan atikan di Sakola Rahayat Jatiwangi 1950, salajéngna neruskeun ka SMP Negeri VIII Jakarta 1953 jeung pamungkas, Taman Madya, Taman Siswa Jakarta 1956. Sanajan henteu tamat SMA, anjeunna dipercaya pikeun ngajar minangka dosén di paguron tinggi Indonésia, ogé ti 1967, anjeunna ngajar di Jepang. Dina 31 Januari 2011, anjeunna narima gelar Doktor honoris causa widang Élmu Budaya ti Fakultas Sastra Universitas Padjadjaran.

                                     

2. Kulawarga

Ayip Rosidi nikah sareng Patimah Wirjadibrata Ceu Empat 1955 ogé dipaparin 6 putra, nyaéta:

  • Nundang Rundagi 1961
  • Uga Percéka 1959
  • Nunun Nuki Aminten 1956
  • Titis Nitiswari 1965.
  • Titi Surti Nastiti 1957
  • Rangin Sembada 1963

Dina rujukan séjén disebutkeun tujuh putra.

                                     

3. Prosés cacalakan

Ayip mimitina mah nulis karya kréatip dina basa Indonésia, salajéngna talaah jeung koméntar ngeunaan sastera, basa jeung budaya, boh mangrupa artikel, buku atawa makalah dina mangrupa panglawungan di tingkat régional, nasional, ogé internasional. Anjeunna loba maluruh titilar jeung tonggak alur sajarah sastra Indonésia jeung Sunda, nepikeun panémbonganna ngeunaan perkara sosial politik, boh mangrupa artikel dina majalah, boh ceramah atawa makalah. Anjeunna ogé nulis biografi ahli seni jeung inohong pulitik.

Anjeunna mimiti ngabéwarakeun karya sasterana taun 1952, dipuat dina majalah-majalah kasohor dina mangsa harita saperti Mimbar Indonesia, Gelanggang/Siasat, Indonesia, Zenith, Kisah, jll. Nurutkeun panalungtikan Dr. Ulrich Kratz 1988, nepika taun 1983, Ayip nyaéta pangarang sajak jeung carita pondok nu pangproduktipna 326 judul karya dipuat dina 22 majalah.

Bukuna anu munggaran, Tahun-tahun Kematian medal sabot yuswana 17 taun 1955, dituturkeun ku kumpulan sajak, kumpulan carita pondok, roman, drama, kumpulan éséy jeung kritik, hasil panalungtikan, jll., boh dina basa Indonésia boh dina basa Sunda, anu lobana kira-kira saratus judulan.

Karyana loba nu geus ditarjamahkeun kana basa séjén, dipuat dina bunga rampai atawa medal minangka buku, a.l. dina basa Walanda, Cina, Inggris, Jepang, Perancis, Kroatia, Rusia, jll.



                                     

4. Kagiatan

Dina yuswa 12 taun, nalika masih kénéh kelas VI Sakola Rahayat, tulisan Ayip geus dipuat dina rohangan barudak di harian Indonésia Raya.

Ti SMP-na Ayip geus ngaleukeunan dunya panulisan jeung pamedalan. Anjeunna medalkeun jeung jadi éditor sarta mingpin majalah Suluh Pelajar 1953-1955. Dina taun 1965-1967 anjeunna jadi Pamingpin redaksi Mingguan Sunda; Pamingpin redaksi majalah kabudayaan Budaya Jaya 1968-1979; Pangadeg pamedal Pustaka Jaya 1971. Ngadegkeun jeung mingpin Proyék Panalungtikan Pantun jeung Folklor Sunda PPP-FS anu loba ngarékam Carita Pantun jeung ngabéwarakeunna 1970-1973. Ngajabat minangka Pupuhu Déwan Kasenian Jakarta 1972-1981.

Barengan jeung babaturanna, Ayip ngadegkeun pamedal Kiwari di Bandung 1962, pamedal Cupumanik Tjupumanik di Jatiwangi 1964, Duta Rakyat 1965 di Bandung, Pustaka Jaya salajéngna Dunia Pustaka Jaya di Jakarta 1971, Girimukti Pasaka di Jakarta 1980, jeung Kiblat Buku Utama di Bandung 2000. Kapilih jadi Pupuhu IKAPI dina dua kali kongrés 1973-1976 jeung 1976-1979. Jadi anggota DKJ ti mimiti 1968, tuluy jadi Pupuphu DKJ sababaraha périodeu jabatan 1972-1981. Jadi anggota BMKN 1954, jeung jadi anggota pangurus pléno kapilih dina Kongrés 1960. Jadi anggota LBSS jeung jadi anggota pangurus pléno 1956-1958 sarta anggota Déwan Pembina kapilih dina Kongrés 1993, tapi ngundurkeun diri 1996. Anjeunna ogé salah saurang pangadeg sarta Pupuhu PP-SS anu munggaran 1968-1975, ogé pangadeg jeung Pupuhu Déwan Pangadeg Yayasan PP-SS 1996 sarta pangadeg Yayasan PDS H.B. Jassin 1977.

Ti 1981 anjeunna diangkat jadi guru besar tamu di Osaka Gaikokugo Daigaku Universitas Basa Asing Osaka, sabari ngajar di Kyoto Sangyo Daigaku 1982-1996 jeung Tenri Daignku 1982-1994. Sanajan aya di negeri deungeun, anjeunna tetep aktip merhatikeun hirup-huripna sastera-budaya jeung sosial-pulitik di Indonésia, ogé masih terus nulis. Taun 1989 kalawan pribadina méré Hadiah Sastera Rancagé ka saha baé anu mikareueus kana budaya Sunda sangkan aya hasil karyana, anu saterusna tarékah ieu diteruskeun ku Yayasan Kabudayaan Rancagé anu diadegkeun ku anjeunna téa.

Sanggeus pangsiun anjeunna dumuk di désa Pabelan, Kacamatan Mungkid, Magelang, Jawa Tengah. Sanajan kitu, anjeunna masih aktip ngokola sawatara lembaga tanpabati kayaning Yayasan Kabudayaan Rancagé jeung Pusat Studi Sunda.

                                     

5. Pangajén

Babaraha pangajén anu pernah ditarima ku Ayip Rosidi, di antararana:

  • Hadiah Seni ti Pamaréntah RI 1993.
  • Hadiah Sastera Nasional 1955-1956 pikeun puisi dibikeun taun 1957 jeung 1957-1958 pikeun prosa dibikeun taun 1960.
  • Anugerah Hamengku Buwono IX 2008 pikeun sagala sumbangan positipna ka masarakat Indonésia di widang sastera jeung budaya.
  • Kun Santo Zui Sho "Béntang Jasa Khazanah Suci, Sinar Emas jeung Selempang Beuheung" ti pamaréntah Jepang minangka panghargaan ku jasa-jasana anu diniléi kacida mangpaatna pikeun hubungan Indonésia-Jepang 1999
                                     

6. Karya-karyana

Aya ratusan karya Ayip. Sababaraha di antarana:

  • id Pantun Anak Ayam kumpulan sajak, 2006
  • id Terkenang Topeng Cirebon kumpulan sajak, 1993
  • id Perjalanan Pengantén
  • Basa Jepang Sunda Shigishi hi no yume tarjamahan basa Jepang tina petingan ka opat kumpulan carita pondok ku T. Kasuya 1988
  • id Mimpi Masasilam kumpulan carpon, 2000, geus ditarjamahkeun kana basa Jepang
  • Babasan jeung Paribasa Sunda
  • id Anak Tanahair Nama dan Makna kumpulan sajak, 1988
  • id Korupsi dan Kebudayaan 2006
  • id Ketemu di Jalan kumpulan sajak babarengan SM Ardan jeung Sobron Aidit, 1956
  • Bébér Layar
  • Ayang-ayang Gung
  • id Sebuah Rumah buat Hari tua kumpulan carpon, 1957
  • Jante Arkidam jeung salikur sajak lianna ;
  • id Masa Depan Budaya Daerah 2004
  • id Membicarakan Cerita Pendek Indonesia 1959
  • id Di Tengah Keluarga kumpulan carpon, 1956
  • id Pertemuan Kembali kumpulan carpon, 1961
  • id Ikhtisar Sejarah Sastera Indonesia 1969
  • id Cari Muatan kumpulan sajak, 1959
  • id Surat Cinta Enday Rasidin kumpulan sajak, 1960;
  • Hurip Waras!
  • id Hidup Tanpa Ijazah, Yang Terekam dalam Kenangan otobiografi, 2008
  • id Jeram kumpulan sajak, 1970;
  • id Sajak-sajak Anak Matahari
  • id Kapankah Kesusasteraan Indonesia lahir? 1964; citak ulang anu direvisi, 1985
  • Masyitoh
  • Ucang-ucang Anggé
  • id Tahun-tahun Kematian kumpulan carpon, 1955
  • id Manusia Sunda 1984
  • id Pesta kumpulan sajak, 1956
  • Si Pucuk Kalumpang
  • Ensiklopédi Sunda. Jakarta: Pustaka Jaya. 2000
  • id Ular dan Kabut kumpulan sajak, 1973;
  • id Sastera dan Budaya: Kedaerahan dalam Keindonesiaan 1995
  • id Puisi Indonesia Modern, Sebuah Pengantar 1988

Ayip ogé nulis drama, carita rahayat, carita wayang, bacaan barudak, lulucon, jeung mémoar sarta jadi éditor babaraha bunga rampai.

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →